Prosiect Storio Solar ac Ynni Plas Power

Mae’r ymgynghoriad statudol ar gyfer prosiect Solar a Storio Ynni Plas Power bellach wedi cau.

Mae Lightsource bp yn rhoi gwerth aruthrol ar yr adborth gan gymunedau yn ystod y broses ymgynghori. Rydym yn ddiolchgar am yr ymgysylltiad a’r adborth a gawsom ar ein cynigion dros y tair blynedd ddiwethaf. Mae’r cymunedau o amgylch y safle wedi chwarae rhan bwysig wrth lunio ein prosiect.

Yn ystod yr ymgynghoriad statudol, daeth dros 130 o bobl i’n digwyddiadau cyhoeddus ac rydym wedi derbyn dros ddeg ar hugain o ymatebion ar ein cynigion.

Rydym nawr yn ystyried yn ofalus yr holl adborth a dderbyniwyd a bydd ein hymateb yn cael ei nodi yn yr adroddiad ymgynghori a fydd yn rhan o’r cais cynllunio.

Mae Prosiect Solar a Storio Ynni arfaethedig Plas Power yn cael ei ddosbarthu yn Ddatblygiad o Arwyddocâd Cenedlaethol. Mae hyn yn golygu y bydd Lightsource bp yn gwneud cais i Benderfyniadau Cynllunio ac Amgylchedd Cymru (PEDW), a fydd yn gwneud argymhelliad i Weinidogion Cymru ynghylch rhoi caniatâd cynllunio ai peidio. Ar hyn o bryd mae Lightsource bp yn disgwyl cyflwyno cais cynllunio i PEDW yn haf 2024.

Byddwn yn parhau i ymgysylltu â’r gymuned ynghylch ein cronfa budd cymunedol pe bai caniatâd yn cael ei roi, ac unwaith y bydd y prosiect yn weithredol.